खोडरबर

विचार गोंधळलेले आहेत
दुनिया मागासलेली आहे
जाती-पातीच्या गोष्टी आता
माणुसकी जाळत आहेत

कुटुंबातले वाद आता
शहरभर पसरलेत
आपल्याच माणसांचे चेहेरे
अनोळखी भासू लागलेत

प्रतिज्ञेतला भाऊ आता
पुस्तकातच राहिलाय
जगभर माणूस जोडताना
शेजारचा परका झालाय

माणसांचं मन आता
इतकं छोटं झालेय
हक्काने रागावणं कोसो दूर
मैत्रीतला वाद न्यायालयात पोहोचलाय

जात धर्म काही नको
मला माणूस म्हणून हवा आहे
नकोसे हे वाद मिटवायला
मला खोडरबर हवा आहे

-मृगा वर्तक
23.09.2017