ढगांचं हे हळवंपण
पाऊस मनात जपत असतो
चाबूक ओढणाऱ्या विजेला
सतत दरडावत असतो
सूर गवसल्या नव्या प्रेमात
शृंगार हा फुलवत असतो
मनामनांच्या गुजगोष्टी
शब्दांमध्ये भिजवत असतो
अंधार भरल्या आभाळात
उगाच झाकोळत असतो
मन माझं मोहरताना
पाऊस नुसताच खुळावत असतो
गर्द, घनदाट जंगलामध्ये
कधी एकांत शोधत असतो
दूर आत समुद्रात
एकटाच जाऊन रडत असतो
रित्या होणाऱ्या आभाळाला
हाच मोकळं करत असतो
ढगांचं हे हळवंपण
पाऊस मनात जपत असतो
-मृगा वर्तक
20.09.2017
No comments:
Post a Comment